جنابر حزبية
حيدر الموسوي|..
عدد سكان الولايات المتحدة الامريكية ٣٣١ مليون ، عدد الاحزاب ٢ فقط .
روسيا يبلغ عدد سكانها ١٤٣ مليون عدد الاحزاب ٥ فقط .
اليابان عدد سكانها ١٢٨ مليون عدد الاحزاب ٦ فقط.
العراق عدد السكان ٤٣ مليون عدد الاحزاب قد يصل الى ٤٠٠ حزب في المرحلة المقبلة لان قانون الاحزاب يسمح بتشكيل حزب بجمع تواقيع ١٠٠ شخص ودفع مبلغ قدره ٢٥ مليون ، يعني بعد كم سنة اشوف العشيرة بيها فد عشر احزاب وكلها تنتهي بمفردة الوطني ومن تخلص التسميات نروح نسوي حزب الديج الوطني او حزب القط الاسود طبيعي جدا.
عمي هاي مو ديمقراطية ترى هاي طم خريزة ، مع ملاحظة ان الكثير من هذه الاحزاب بلا مقرات ، احزاب وهمية منفلته.
يجب انهاء ظاهرة انتشار هذه الدكاكين وتشربع قانون جديد للاحزاب وكذلك المنظمات لان صارت كلش ماصخة القصة واعتماد عشرة احزاب فقط في العراق ،كمرحلة اولى والا هذه اكبر فوضى حزبية وسياسية يشهدها العالم في التاريخ الحديث.
